Google ADS

Mërgimtarë, kujdes në Kosovë: Hajnat kanë dal në aksion

10:34 | 24 Dhjetor 2017
Arbresh.info

Hajnat tani kanë në shënjestër bashkatdhetarët që po kthehen në vendlindje, kryesisht veturat e tyre

Pavarësisht se Kosova ka krijuar standarde ligjore me një polici efikase, prapë vjedhja mbetet një brenge institucionale, por edhe qytetare. Mediat lokale në Prishtinë, duke u thirrur në burimet e veta, thonë se hajnat tani kanë në shënjestër bashkatdhetarët që po kthehen në vendlindje, kryesisht veturat e tyre.

Siç raporton Indeksonline, brenda kësaj jave janë plaçkitur disa mërgimtarë pasi kanë hyr në territorin e Kosovës.

“Kur mërgimtarët ndalen në restorante apo pompa të derivateve për të blerë ndonjë gjë, kur dalin jashtë i shohin veturat e thyera, në të cilat u mungojnë gjësendet”, citohet të ketë thënë një burim.

Prandaj, apelohet te mërgimtarët që të tregohen më të kujdesshëm kur ndalen në Kosovë pasi të kalojnë kufirin, pasi që hajnat po qarkullojnë në atë pjesë dhe po shfrytëzojnë rastin të plaçkisin mërgimtarët e t’ua thyejnë veturat./albinfo/

Shpërndaje në rrjete sociale

Lajmet më të lexuara

Të ngjashme

Foto lajm